「帮」死敌封王莫帅嬲爆
今晚英超快车独脚戏，失落联赛冠军嘅曼联作客对般尼茅夫。「红魔」上仗主场输畀包尾嘅西布朗，直接令死敌曼城提早封王，有传主帅「寸王」莫连奴嬲到震，保罗普巴及阿历斯山齐士等主力或被雪，但出「福仔」拉舒福特等「生牯仔」效果可能仲好，造访主场一向以攻代守嘅「般茅」，随时合演入球骚，中位数2.5球嘅1.65倍大盘捧得过。
曼联近期被嘲笑为「造王者」，前一轮反胜曼城3比2阻止对手封王，但上仗联赛爆大冷于主场不敌包尾大幡西布朗0比1，正式将冠军「颁」畀曼城，亦打烂埋主帅莫连奴逢执教球队第2年必夺联赛锦标嘅金漆招牌，激到「寸王」扎扎跳。莫帅更警告大牌球星唔系一定系正选，矛头直指保罗普巴及阿历斯山齐士，仲话明今场上阵嘅球员，唔代表嚟紧英足盃4强对热刺要做番后备，明显鼓励有机会上阵嘅拉舒福特及连格等生牯仔要搏甩髀。
般尼茅夫主场入得失得
般尼茅夫现时有38分，距离传统护级「安全线」只差2分，为尽早上岸主场必搏。况且「般茅」不嬲喺主场有前冇后，近10仗主场获4胜4和2负，共入18球但就失番21球，全部开3球或以上，今仗再喺自己地头出击，唔赦同红魔斗攻，实多波入，一于捧中位数2.5球嘅入球大。
