法兰克福爆主帅跳槽内乱
周三各大盃赛战火重燃，阿King介绍过关心水畀大家；德国盃周四凌晨上演4强战，史浩克04主场硬撼法兰克福。史浩克近期主场好揪得，上仗仲喺打吡战击败宿敌多蒙特，今场有力轻取军心涣散嘅法兰克福，1.8倍主胜要得过。
史浩克04主场表现呈现强势，各项赛事近5仗主场出击全胜，而且只系失过1球，后防够稳阵，上场仲喺鲁尔区打吡击败死敌多蒙特，士气爆晒灯。相反对手法兰克福近排畀负面消息影响，皆因主帅尼高高华嚟紧转投拜仁嘅消息近日流出，搞到球队军心大乱，上仗作客更遭利华古逊大炒4比1，今场未必有心机同史浩克争晋级，都系捧番主胜好过。
法林明高进取吼大盘
再推介两场自由盃畀大家，首先法林明高主场斗哥伦比亚劲旅圣达菲，踢法进取嘅法林明高，喺自由盃主场近9仗全开3球或以上，可见经常同对手斗攻，今场入球大唔好错过。最后独立队主场迎战哥连泰斯，独立队喺自由盃主场踢得特别抢缰，近5仗全部先取得入球，今场主队第一队入球值博。
