主队法兰克福目前排喺德甲第7位，如果维持目前排名，就可以攞到下届欧霸盃参赛资格，何况追赶前4争欧联入场券仲未绝望，今晚主场出击点都搏到尽。今场法兰克福球星奇云保定有望克服伤患担正，遇上哈化柏林对佢嚟讲意义重大，皆因佢喺柏林出生，曾经効力过哈化11年，最有趣嘅系曾经同今场双方教练，法兰克福嘅尼高高华同哈化嘅戴达，当年一齐喺哈化柏林中场线并肩作战，除左保定倒戈，尼高高华亦话佢对哈化非常了解，对今晚部署甚有帮助。法兰克福虽然岩岩踢完德国盃作客史浩克04嘅硬仗，体能消耗大，但赢波杀入决赛嘅兴奋足以掩盖疲劳，球队近8场德甲主场取得5胜3和佳绩，今场波目标当然系3分。
法兰克福够赢哈化柏林
哈化柏林目前排第9位，但已落后法兰克福7分，喺德甲已经无欲无求，虽然佢的上轮半场落后下反胜科隆，但要留意系主场作赛，呢支首都球队近季都徘徊中游，而且有个特点，每到季尾就拣波踢，作客经常懒懒閒，等主场至搏杀凼fans，近4季季尾作客成绩惨不忍睹，前季最后8场输左6场，上季更离谱到直落连输9场，今晚到访法兰克福，战意肯定唔及主队鲜明，推介1.75倍法兰克福主胜。
