英超周中补赛，车路士同热刺两队Big6球队为争联赛前4分途出击。其中周四凌晨车仔将会打头阵喺主场对哈特斯菲尔德，哈特斯上仗0比0守和曼城，呢场对住强敌车仔仲唔照办煮碗？另外热刺前锋哈利卡尼近排脚风麻麻，今仗主场睇嚟都难轻取纽卡素 ，两场细盘走唔甩。
英超嚟到尾声，前4争夺悬念再起，原本前4位置几稳嘅利物浦同热刺，近期频频失分，令到本来以为争前4无望嘅车仔鱼翁得利，突然睇到抢到来季欧联席位嘅希望，尤其赛前车仔同4哥热刺只差2分，呢场领队干地班波今季联赛最后一次喺主场出击，肯定希望抢足3分。
车路士难炒哈特斯
不过车仔对手哈特斯绝对唔系嚟陪跑，为护级起码要抢多1分，而且上仗面对超班嘅曼城都可以守和0比0，士气信心都有齐，呢场作客唔会太进取，宁愿泊大巴，大卫华拿班波近8仗联赛开2球或以下，呢场再追中位数2.5球细盘。
喜鹊够稳顶到热刺
同日稍后热刺主场对纽卡素，热刺已经唔使应付其他盃赛，近期英超表现飘忽要怪自己唔争气，尤其头号射手哈利卡尼状态明显下滑，唔好话自己要同穆罕默德沙拿争英超神射手，依家仲好有机会连球队来季嘅欧联席位都保唔住，而且对手「喜鹊」喺领队宾尼达斯带领下防 守稳健，近8场联赛全开3球或以下，呢场中位数3.5球入球细绝对好路。
