首回合斗攻格局
周六凌晨展开嘅英冠升班附加赛4强首回合，由「绵羊」打比郡主场硬撼富咸。众所周知升上英超代表「钱」途无限，今晚两军必搏甩髀。打比郡今季踢法开放，加上有联赛射手王马迪维达坐镇，趁主场猛攻；客军富咸火力强劲，联赛入波仅次于榜首狼队，1.92倍大盘咪走宝。
今季大部分时间演出强劲嘅富咸，曾创下联赛23轮不败走势，可惜佢的「输收尾」，喺英冠最后一轮爆冷以1比3输畀下游分子伯明翰，同直接升班席位失诸交臂，最终第3名衝线，继上季后再次卷入附加赛乱战。好在球队实力唔曳，尤其季中由英超纽卡素借番嚟嘅前锋阿历山大米祖域，只花半季就入足12粒，仲成为球队头号射手，加埋刚攞左英冠最佳球员奖嘅超新星赖恩施斯隆帮手，富咸首回合作客，都有力威胁打比郡防线。
绵羊近3次升班附主场全开大
过完圣诞之后状态明显下滑嘅打比郡，好彩临尾争气，喺最后一轮大炒班士利4个1皮，踢对手落英甲之馀，仲确保联赛第6位嘅附加赛资格。「绵羊」表现飘忽同踢法重攻轻守有好大关系，箭头马迪维达以21球成为今季英冠神射手，但佢的亦系英冠前6位中失波最多嘅一队，有前冇后下，近7仗主场总入球全开3球或以上。就算单计英冠升班附加赛，佢的3次喺地头出击亦悉数开大，证明嚟到咁紧张关头，打比郡都唔会刻意求守，今晚斗攻格局，入波唔慌少，大盘属好路之选。
