西法双雄决战里昂
今届欧霸决赛周四凌晨爆发，由法甲马赛喺中立场法国里昂决战西甲劲旅马德里体育会。马赛虽有半个主场之利，但今晚想偷鸡并唔易，皆因西班牙球队近年「统治」左欧霸，近8届就有5次由西甲兵封王，加上马体会嘅欧战经验极度丰富，今场有望凯旋而归，热捧1.59倍客胜！
睇番近8届欧霸决赛，除葡超波图曾喺10/11夺冠外，馀下7次由西甲同英超球队摊分，当中西甲兵更5度封王，除左西维尔连续3届夺冠之外，其馀两次冠军都属于马体会，11/12封王嗰届，就系由现任教头施蒙尼所领军。
「床单兵团」两夺冠经验赢晒
近年喺欧联屡有好表现嘅马体会，今届「降呢」半途转战欧霸，论经验同实力都可谓绰绰有馀，况且西甲球队喺决赛极具保证，计埋前身欧洲足协盃在内，西甲兵近8次入决赛全部顺利捧盃，当中法定时间取得5胜3和佳绩，「床单兵团」今仗更可夫添出击，无论人脚、往绩同经验都秤先啲，赢波封王问题不大。
法甲「4哥」马赛事隔多年杀入决赛，晋级路途上先后KO布拉加、毕尔包、RB莱比锡同萨尔斯堡。相比起马体会，马赛所淘汰嘅对手实力虽未见标青，但佢的8场淘汰赛当中都输左3场，尤其4强次回合对萨尔斯堡，若然唔系加时有路兰度入波奠胜，过唔过到关都成问题，可见马赛实力未达顶级，今场难同超班嘅马体会周旋，客胜属稳阵之选。
