今晚苏足盃决赛，些路迪将会同马瑟韦尔喺中立场咸顿公园球场一决高下。已经攞齐联赛同苏联盃冠军嘅些路迪，今仗将会争取取得三冠王头衔，不过球队临近季尾都开始收韁，而且近年面对马瑟韦尔入波都唔算多，呢场些路迪就算赢波，都应该难炒对手，入球细捧得过。
罗渣士自上季接掌些路迪教鞭后，进一步巩固呢支老牌球队喺苏格兰球坛嘅统治地位，继上季带领些路迪完成三冠王霸业之后，今季佢的又再次先后喺苏联盃同苏超封王，佢咁肋仔，早前就自己攞埋苏超年度最佳教练奖，当然希望连续两季同球队取得三冠王。不过队波踢到季尾，集中力同状态都好似跌跌的，联赛最尾两轮都冇波入，仲喺煞科战输埋畀鸭巴甸，呢场实力佔优都未必可以大胜对手。
马瑟韦尔主守少大败
另一边厢，马瑟韦尔一离开自己地头，班波就会踢得好保守，佢的近6仗作客就全开2球或以下，加上今季联赛佢的已经试过以0比0逼和些路迪，呢场再次面对实力明显超班嘅对手，马瑟韦尔都应该会照办煮碗，稳守為上，入球细应该都走唔甩。
