后防残缺 前线争气
周一凌晨西甲多场煞科战上演，其中巴塞隆拿主场对皇家苏斯达。一哥巴塞上轮意外吞下今季联赛首场败仗，可见就算前线攻力再强，都弥补唔到防线兵源短缺嘅问题，煞科战对住质素不俗嘅皇苏，随时再输多几粒，呢场等睇入球骚都似，中位数4.5球入球大照捧。
今季成功重夺联赛冠军嘅巴塞，本来有望以不败姿态完成今季赛事，不过事与愿违，上仗爆大冷以4比5输畀下游分子利云特，守左成季嘅联赛不败金身就咁冇左。讲到尾，同巴塞后防积弱有好大关系，除左养紧伤嘅乌姆迪迪同停赛嘅沙治罗拔图之外，上场连后卫华美伦都伤埋，加上新兵耶利文拿表现货不对办，防线实力大减。好彩队中一班攻击手够争气，近5仗狂轰20球，其中4次都开5球或以上，呢场面对状态有起色嘅皇苏，两军随时上演对攻战，中位数4.5球入球大谂得过。
马体会斗伊巴吼细盘
而较早时间开波嘅，仲有马德里体育会主场迎战伊巴。马体会岩岩喺欧霸捧盃，加上已经锁定联赛前3位置，今季任务几乎搞掂晒，周中踢完决赛班波攰攰的，煞科战未必会尽全力。况且马体会踢法不嬲以稳守为主，近4仗联赛就全开2球或以下。呢场睇怕实力欠奉嘅伊巴，唔好话撕破密集防线，畀马体会搓顺起嚟控制住大局，随时连波皮都掂唔到，中位数2.5球入球细唔好错过。
