卫冕世界盃嘅德国，今晚热身赛作客邻国奥地利，德国踢完今仗就会公布最后23人决选名单，门神纽亚亦会喺养伤8个半月后正式复出担正，为世盃试刀，德国传媒估计勒夫会排出强阵争胜，遇上近况大勇全无包袱，兼且熟晒路嘅奥地利，相信可以继续合演入球骚，大盘系投注首选。
德军最后23人呼之欲出
德国原定计划踢完今仗后，下周一会公布将现有27人名单剔除4人，留低最后23人参战俄罗斯世盃决赛周，不过德国足总官网疑似摆乌龙，喺周四发布左一张23人出战决赛周嘅海报，当中预期最可能被淘汰嘅门将奇云查普、中坚庄拿芬泰希，中场施巴斯坦鲁迪同前锋尼斯彼德臣冇喺海报出现。虽然海报好快已经删除左，国家队经理比亚荷夫亦出面澄清最后人选要睇埋今仗，不过睇到领队勒夫已经定好晒心目中人选，佢的近4场国际赛未赢过，决赛周前只剩低两场热身赛，当然希望赢番场壮声威，中场大将却奥斯踢完欧联决赛仲放紧假，另外，谢路美保定养紧伤，前后场两大主力晓姆斯同汤马士梅拿因为今季比赛太多，获勒夫特淮休息，上述4人都唔会参加今场比赛。
奥地利无缘决赛周，但近况大勇，新帅法兰高科达去年11月上任后4战全胜，包括击败已打入决赛周嘅乌拉圭同主办国俄罗斯，除今仗挑战德国外，嚟紧仲会迎战另一劲旅巴西，球队目前冇晒压力志在攞信心，遇强都唔会龟缩。奥地利今仗预计正选阵容除效力史笃城嘅右闸摩列斯包亚外，其馀10人都正在或曾经喺德甲搵食，主力战将包括队长巴姆加特宁加、阿拉巴、古多贝斯托拿同阿拿奥杜域同德军战将熟晒路，一埋牙就可以驳火。双方近9次碰头德军全胜，当中8次总入球都系3球或以上，大盘值得再追。
