有份参与决赛周球队西班牙及瑞士，周一凌晨会喺西班牙城市维拉利尔拍跳。「狂牛」西班牙自从由洛佩特吉执教后，过去2年不但于所有赛事保持不败，如果单计热身赛，8场比赛更加合共轰入23球，包括最近1场以6比1大炒阿根廷，对住近4场热身赛全胜、近况唔错嘅瑞士，随时合演入球骚，捧大盘最上算。
前西班牙U23主帅洛佩特吉喺2016欧国盃决赛周后，接替迪保斯基执教西班牙，除左喺世盃外欧洲区以10战不败力压意大利首名出线，另外8场热身赛亦取得4胜4和佳绩，而且呢8场对手绝非弱旅，包括比利时、英格兰、法国、德国及阿根廷等等，西班牙能够喺佢的身上加埋入成23球，进攻火力的确惊人。
瑞士排名高过西班牙
瑞士喺今届世盃外欧洲区虽然要踢附加赛先取得决赛周席位，不过佢的10场外围赛其实亦攞到9胜1负，仅以得失球差输畀葡萄牙，表现唔曳，而且佢的单计热身赛已4连胜，目前世界排名升至第6位，比起西班牙还要高2位，绝对有真材实料。两军对上一次交手于2010年世界盃决赛周，当时瑞士于分组赛首轮爆大冷以1比0击败西班牙，心理上亦唔输蚀，就算今场作客一样有本钱斗攻，首选大盘。
