人才过剩火力有保证
今日世盃头场有C组出线大热门法国登场，对手系亚洲代表澳洲。法国今届人才过剩，唔少被认为有实力出战决赛周嘅球员都落选，可见佢的阵容几咁强大。澳洲近年表现大不如前，而且佢的以往喺决赛周分组赛对欧洲队输多赢少，5次对赛总入球都在3球或以上，今场预计又系一场大手交易，首选2.5球嘅大盘。
法国领队迪甘斯今次点兵出战世盃面对「幸福的烦恼」，唔少好手包括阿仙奴前锋拿卡锡迪、曼联安东尼马迪尔、圣日耳门防中拉比奥特，都喺冇伤冇病嘅情况下落选，可见依家法国人脚几咁鼎盛。事实上，除左常规主力基沙文、基利安麦巴迪或基奥特之外，其他副选费基亚、泰奥云等等，刚过去球季都喺所属球会有出色表现，无论迪甘斯派边个落场，法国火力仍然有保证。
两年前法国以主办国身份出战欧洲国家盃，可惜杀入决赛踢到加时输畀葡萄牙0比1，未能喺主场球迷面前扬威，当时唔少主力如今仍在阵中，吸收经验及教训，今次卷土重来决心十足，首场对住同组牌面最弱嘅澳洲，当然希望大胜一场振军心。
澳洲遇欧洲队例多波入
澳洲虽然系应届亚洲盃盟主，不过今届喺外围赛表现麻麻，先系透过附加赛击败敍利亚取得出线资格，然后再喺洲际附加赛淘汰洪都拉斯，先至攞到决赛周入场券，已经冇晒以往横扫亚洲嘅气势。何况，澳洲对上3届于决赛周对欧洲球队输多赢少，淨系分组赛5次交手，只取得1胜1和3负，5场总入球都开3球或以上，当中对西班牙同德国都输3球或以上，今次面对唔同级数嘅法国好大机会再被大炒，捧2.5球嘅大盘最岩数。
