美斯蓄锐大晒冷
球王蓄锐「大」晒冷！今晚世盃D组首轮揭开战幔，上届亚军阿根廷硬撼冰岛。阿根廷近年专做「阿二」惨变「亚军廷」，贵为球王嘅美斯今届誓要夺冠而回，难得季尾抖到够，势必火力全开，可惜防线有后顾之忧，撞正入得又失得嘅「维京兵团」冰岛，随时合演入球骚，转捧中位数2.5球嘅大盘最稳阵。
阿根廷喺上届世盃决赛加时不敌德国0比1，之后连续2届美洲国家盃皆于决赛饮恨，一度令队长美斯冇瘾退队，好彩佢回心转意，兼助球队惊险杀入世盃决赛周，呢位球王亦扬言若今届再捧唔到盃，就退出国家队，决心十足。由于美斯效力嘅巴塞隆拿提早联赛封王，季尾多仗佢有得抖抖，或者只系后备入替，为世盃留晒力，难怪之前同海地「拍跳」轰3粒，非常sharp醒。
阿根廷前线人才济济，队长美斯就好似国旗上面嘅「五月太阳」咁，作为核心照起全队，配合阿古路、迪马利亚及麦斯美沙作支援，火力强劲。不过，中场悍将马斯真兰奴年纪唔细渐走下坡，防线只得奥达文迪较为可靠，绝对唔稳阵，连同正选门将罗美路于出发前因伤退队，据报会用车路士门神韦利卡巴尼路把关，问题系佢喺车仔长居后备，点畀到球迷信心呀。
冰岛高空轰炸博偷鸡
2年前欧国盃一鸣惊人嘅神奇球队冰岛，今次系首度杀入世盃决赛周，但佢的最衰系经验唔够，而且主帅贺基姆臣近期想加强攻力，反令其铜牆铁壁嘅防线出现漏洞。「维京兵团」近4仗只得1和3负，共入5球却狂失11球，全部开3球或以上，包括上仗热身赛领先2粒下，被加纳逼和2比2，明显攻守失衡，不过面对同样攻强守弱嘅阿根廷，一定恰死对方多矮仔玩高空轰作，实多波入，转捧入球大（2.5球）好过。
