分组赛爱煲鱼生粥
今晚世盃G组首轮赛事，「欧洲红魔」比利时出战巴拿马。比利时有卢卡古、夏萨特、奇云迪布尼等英超兵担大旗，明显超晒班，不过呢班波衰在慢热，近年大赛初段都表现麻麻，巴拿马首度杀入世盃决赛周，冇乜包袱下随时有惊喜，今仗让球盘比利时要让2球咁多，宁捧巴拿马下盘。
比利时今届阵容鼎盛，卢卡古、夏萨特、奇云迪布尼喺刚季英超表现出色，前中后三线板櫈深度又足，主帅马天尼斯教过爱华顿，助教更系前阿仙奴射手亨利，连教练团都咁猛料。不过，佢的有防线主力高柏尼因伤缺阵，另一中坚艾达韦列特刚季伤多过踢，状态成疑，中场迪比利临近季尾又明显跌Watt，加上近日训练期间，迪布尼过勇剷到队友赞奴沙飞起，非常肉酸，事后赞奴沙亦大呻操练唔使咁样剷法，似乎内部唔系好和谐。
巴拿马冇包袱或有惊喜
来自中北美洲嘅巴拿马，喺世盃外围赛爆冷力压洪都拉斯及美国，首次杀入世盃决赛周，佢的大部分球员都喺中北美洲搵食，只有门将宾尼度、后卫艾历戴维斯及伊斯美戴亚斯等少数球员外流欧洲。虽然个个都名不见经传，但非常团结，亦都冇乜心理包袱，呢类奇兵最大特点系冇乜人识，靠拼劲一人走多步下，随时有惊喜。
讲真，巴拿马今仗要抢分确实唔易，不过比利时喺近年大赛表现特别慢热，儘管上届世盃3场分组赛赢晒，都系全部赢得1粒咁大把，2年前欧国盃分组赛首仗，被一致睇好之下却输畀意大利，今仗可能小胜居多，让球盘要让到2球咁辣，转捧巴拿马下盘好过。
