阿根廷内乱领队被架空
世盃D组尾轮生死大战，「超霸鹰」尼日利亚火併上届亚军、有「潘帕斯雄鹰」之称嘅阿根廷。尼日利亚上仗赢波，间接帮阿根廷重燃出线最后希望，不过佢的同样有出线机会，今场赢阿根廷就搞掂，当然唔会放软手脚。阿根廷领队森柏奥利被架空，又传出有球员嘈交，咁多负面新闻下，胜算认真唔高，又点让得起一球？「双鹰大战」一于敲下盘。
美斯周日生日，阿根廷训练基地循例切吓蛋糕，大家嘻嘻哈哈咁影吓相，但表面风光，实际球队成绩咁差，个个都变躁底。球员间就系咪应该即炒领队森柏奥利呢个问题上，引起好大争议。据阿根廷一个足球网站报道，前竞赛会、圣罗伦素球员林巴迪win007爆料，早前班国脚有一晚开会，商量系咪踢走森柏奥利，同埋要求搵贝鲁齐加接手，由另一位前国脚卢基利做佢助手，大家意见纷纭，结果愈讲愈有火药味，马斯真兰奴同基斯甸柏禾仲嘈起上嚟，互相「问候」对方长辈，句句都包含性器官，终于基斯甸柏禾醒左马斯真兰奴一巴，两人随即埋牙，拳脚交加，要劳动队友拉开。
「潘帕斯雄鹰」球员自定阵容
球队目前情况混乱，光头领队森柏奥利虽然冇即炒，但实际权力已被架空。目前阿根廷基本上由前国脚、现任球队总经理贝鲁齐加及几位主力球员掌控。1986年冠军功臣吉斯迪向这位前队友查探过，对方表示对尼日利亚嘅出场阵容，将由球员自行决定。吉斯迪咁讲：「森柏奥利对尼日利亚可以喺后备席出现，如果佢唔想现身都冇问题。」
一个正常嘅美斯系咪可以救全家，渡边年都存在疑问，更何况已经冇晒Heart嘅美斯，睇佢头两场表现头耷耷，冇厘队长风范，其他人点配合都冇用。
阿密特穆沙上届射穿阿根廷
相反，尼日利亚上仗喺换边前被冰岛围攻，捱至下半场以突袭得手，最终赢2比0，尼日利亚球员单打独斗嘅能力唔差得过阿根廷，水准不俗，特别值得留意嘅系，对冰岛射入两球嘅前锋阿密特穆沙，佢喺上届世界盃对住阿根廷同样连入两球，面对阿根廷绝对唔会怯场。由于另一场克罗地亚好大可能派晒副选上阵益冰岛，尼日利亚想出线，最好都系赢波，下盘固然可取，锺意扒冷嘅不妨小注6.4倍主W。
