大难不死士气返晒嚟
挫折只系逗号，生命有Take Two！对于卫冕嘅德国球员嚟讲，呢句说话已经成为佢的嘅最新信念。德军今晚移师喀山球场出战同组最弱嘅「泡菜国」南韩，绝对系重生良机！预期会吸取教训，好好把握呢个难得机会，而且即使入左波都唔会放软手脚，势必强攻青黄不接兼冇死守本钱嘅南韩，德国让到两球，黑柴照撑上盘。
夺标热门德国首仗遭墨西哥技术性击倒，去到第二场对瑞典依然不断犯错，无论攻守组织同表现都远逊预期，原本上场对瑞典踢到尾段都好应该提早执包袱，但结果踢到接近补时5分钟却奥斯嘅福至心灵绝杀世界波，令德国得到重生机会，球队上下，尤其年轻国脚赛后喺更衣室都大嗌嚟纾缓压力，以呢支向来抗压能力极高嘅劲旅嚟讲，类似情况绝对少见。
防瑞典赢波 要计得失球
不过经历呢次死过翻生，德军士气已经去到沸点，领队勒夫亦有多一次机会去纠正战术同用人嘅失误，以德国队本身质素同经验，嚟到最后一轮对同组最弱对手，相信有能力及时振作。
基于目前F组形势混乱，4支球队都仲有出线机会，如果同时举行嘅同组另一战瑞典赢波，德国今晚最少要赢两球至可以稳得出线资格，目标鲜明会尽全力喺南韩身上争取更大胜仗。
南韩未绝望 抢攻死快啲
南韩两战皆北仲系零分部队，首两轮面对瑞典同墨西哥都系彻底完败，无论射门次数同控球指数都输晒，足见赛前有多名主力球员因伤退队，对佢的整体战斗力影响甚大。
南韩目前喺32强当中，数据可以排第一嘅只系犯规次数，场均23.5次可见佢的系最磊且（那渣）球队，如果今场决心用茅招死守，或者都可以畀到德军一定困扰，但系佢的喺数字上仍有出线机会，而且同样来自亚洲嘅日本、伊朗同沙特阿拉伯今届都先后赢过波，令南韩承受更大压力，今场死守对佢的已经全无意义，焗住豁出去抢攻，预期防线会畀到德国更多空位打反击。两军本来实力就差距甚大，德军今晚大胜一场难度绝对唔高！
