今日世盃休战，但美职有连场好戏，阿King都搵到心水。当中洛杉矶银河主场斗华盛顿联队，银河前锋伊巴谦莫域可能见祖国瑞典喺世盃表现出色激发斗志，今场有力继续为球队数胡，中位数3/3.5球嘅大盘有2.02倍值博。
伊巴谦莫域今届无缘世盃，惟有以球迷身份支持祖国，见到班昔日队友咁落力，佢都唔好意思Hea，近两仗同样梅开二度，状态弗爆，加上银河近期主场大踢进攻足球，近5仗主场全开3球或以上，可见火力有番咁上下。不过讲到近排美职受人注视嘅，就必定系华盛顿联队，皆因佢的刚宣布获32岁英格兰前锋朗尼加盟，签约3年半，嚟紧将着起9号波衫，记者会上朗尼就讲明：「我加盟美职系嚟赢波，唔喺嚟养老！」不过佢今仗赶唔切为球队上阵，唔可以同伊巴同场较技。华盛顿联队近况低迷，今季11场作客都有失波，近7仗作客有6次开3球或以上，面对好攻得嘅银河，随时输多几粒。
明尼苏达联入局慢追半和
较早开波仲有明尼苏达联对FC多伦多，明尼苏达联主场入局较慢，近6主场全开半和，再追。最后FC达拉斯主场斗阿特兰大联，阿特兰大联近期作客照抢，近7次作客都先取得入波，呢场捧佢的嘅第一队入球唔好错过。
