周三凌晨苏联盃激战连场，阿King有过关心水醒大家，苏超新军利云斯顿由新帅坚尼米拿首战执掌教鞭，就喺苏联盃旗开得胜，不过今仗面对实力不俗嘅咸美顿，未必敢踢得太进取，呢场应该会就住嚟踢，中位数2.5球入球细博得过。
前格拉斯哥流浪前锋坚尼米拿，新赛季将会面临职业生涯新挑战，以主帅兼球员身份带领新升班嘅利云斯顿喺苏超打拼。呢位38岁苏格兰前锋，首次带队就以2比1喺苏联盃击败艾迪尔联，取得唔错嘅开局，不过经验老到嘅佢喺苏超揾食多年，应该知道咸美顿绝对唔易应付，尤其两队过往6次交手，就有5次开2球或以下，呢场战况应该会一如既往胶着，中位数2.5球入球细系好路。
罗斯郡登地联做大骚
同时间开波仲有罗斯郡主场对登地联，两队碰头向来多波入，近9次交手8次开3球或以上，呢场中位数2.5球入球大唔好错过。最后搭多场欧联第1圈外围赛，历基亚近5欧战主场4次开2球或以下，今场拎住首回合1比0胜局，返主场面对曲克城实死守，要中位数2.5球入球细。
