杀退蓝月 士气大盛
今晚喺美国举行嘅国冠盃重头戏，由利物浦硬撼多蒙特，亦系「红军」主帅高普同旧东家狭路相逢。利物浦仍有佐敦轩达臣等大批参与世盃嘅国脚仲放紧假，「蜜蜂兵团」阵容较完整，昨朝更击败上季英超盟主「蓝月亮」曼城，士气正盛，1.88倍让球客胜值捧。
由于利物浦阵中米洛列特、阿历山大诺特、洛夫云、罗拔图法明奴及队长佐敦轩达臣所属嘅国家队，喺世盃都踢到去最后阶段，所以呢班球员仲放紧假未归队，两大神锋穆罕默德沙拿及沙迪奥文尼，日前虽已返回米活复操，但今仗未必赶得切赴美同球队会合，实力点都争啲。利物浦领队高普对旧东家多蒙特当然熟路，佢的之前踢左4场热身赛亦取得3胜1和，不过对手太弱不足为惧，其中更试过畀英乙仔贝利闷和0比0，班波明显未上力。
蜜蜂兵团近4仗国冠盃未输过
多蒙特今季改由新帅法夫尔接手，呢位以前教到哈化柏林同慕逊加柏有声有色嘅教头，今次从法甲回归德甲必想有一番作为。虽然卖走柏柏斯达夫普路斯、卡斯特罗及耶莫兰高，但亦签入马云希斯及汤马士迪兰尼等实力派。最重要系佢的要踢世盃嘅球员唔算多，对季前备战影响唔大，寻日朝早国冠盃首仗面对上季英超盟主曼城，凭马里奥葛斯操刀12码赢1比0。「蜜蜂兵团」近4次出战国冠盃，法定时间获3胜1和佳绩，今仗唔怕未操弗嘅利物浦，多蒙特让球客胜够稳阵，进取啲拣埋客胜都仲得。
