天残地缺Vs初到贵境
听朝国冠盃美国站爆发重头戏,由「红魔」曼联硬撼「银河舰队」皇马。曼联今夏季前赛表现曳爆,包括上仗「双红会」惨败收场,搞到主帅莫连奴冇晒飞士,今仗倒戈皇马更加唔衰得,以佢保守到晕嘅风格,一定会稳阵行先,今仗系「银河舰队」季前赛首骚,一班大帝岩岩归队飞到美国未入局,捧半场和最为上算。
今夏远赴美国备战新季嘅曼联,阵容真系天残地缺,包括比利时箭头卢卡古、中场费兰尼、英格兰小将拉舒福特及法国世盃冠军成员保罗普巴等一众主力,因世盃战至最后阶段,依家仲放紧假未报到,连同部分受伤球员,总共有17人缺席季前训练,实力严重受削。就算有随队嘅阿历斯山齐士、桑马达等,同样未操弗状态,今夏喺美国踢左4场热身赛,法定时间仅得3和1负未赢过,入得3粒咁大把,前线熄晒火,而日前国冠盃更以1比4惨败畀死敌利物浦,状态曳冇朋友。
寸王倒戈惊衰以稳为先
虽然话季前赛输赢都无关痛痒,但曼联主帅「寸王」莫连奴最要面,今仗仲要倒戈旧东家皇马,如果再输真系失礼死人,以佢一向咁保守嘅性格,必定会先做好防守,近4仗全开半场和,有办你睇。
皇马今夏有王牌C朗高价转投祖云达斯,但未有作出其他重磅收购,今仗系佢的季前赛首骚,睇番其美国之旅嘅名单,虽然沙治奥拉莫斯、却奥斯、艾斯高、马高阿辛斯奥等多名世盃国脚榜上有名,但佢的岩岩归队唔慌会好弗。皇马新帅洛佩特吉于一片争议声中上任,相信呢位前西班牙国家队领队,仍需要时间摸熟众将踢法,加上寻日突然刮起狂风暴雨,搞到皇马要搬到室内操练,更难提升状态,遇上先求稳阵的曼联,半场和值得追多铺。