国冠盃美国站压轴战，周三早上巴塞隆拿将会火併罗马。今夏多位加盟巴塞嘅新兵，包括两位巴西猛将艾法亚美路同马尔甘菲腊比，为左博正选位置，肯定搏尽力争入波，加上巴塞近年同罗马交手都常演入球骚，呢仗中位数2.5球入球大冇走鸡。
上季巴塞同罗马喺欧联8强狭路相逢，首回合以4比1抢得巨大优势，可惜次回合巴塞明显低估左罗马嘅实力，竟然畀对手以3比0击败，最终因作客入球成绩不及罗马遭淘汰，8强止步，呢次两军再次相遇，虽然赛事重要性冇得比，不过巴塞肯定希望以牙还牙击败对手。尤其巴塞新一季正选位置竞争激烈，除左有多位新兵，仲有唔少边缘人物，同埋青训球员，都想博得主帅华尔维迪欢心，呢场肯定会狂入波争上位。
本来有望加盟罗马嘅马尔甘菲腊比，最后一刻畀巴塞截胡，令罗马痛失呢位巴西猛将，两军因此结怨，呢仗为报仇，罗马都肯定唔会留手。睇番往绩，两军近6次交手，总共轰入23球，其中5次开3球或以上，呢次两军斗攻格，入波肯定唔会少，中位数2.5球入球大捧得过。
