伊巴谦孭飞强攻奥兰多城
听朝美职压轴好戏，由洛杉矶银河喺主场硬撼奥兰多城；银河岩岩喺洛城打吡激战下抢番1分，王牌伊巴谦莫域冇波入都贡献助攻，士气大振，呢班波一向有前冇后，咁岩奥兰多城又连续15仗联赛有失波，防线弱不禁风，主胜太热冇肉食，转捧有2.05倍嘅入球大（3.5球）仲好路。
神锋伊巴谦莫域唔系浪得虚名，佢加盟银河后已经入左12粒；单计联赛，银河近8仗取得4胜4和佳绩，升上西岸第4位，包括上周中嘅洛城打吡，银河该仗喺落后两球嘅劣势下，完场前8分钟省番2粒逼和FC洛杉矶2比2，伊巴谦莫域虽然冇波入，但就交出助攻畀队友阿历辛迪尼建功先追1粒，成为最终打和嘅还魂丹。银河踢法向来都有前冇后，近6仗联赛入左17粒，全部开4球或以上，火力之强真系攻到你晕。
客军残阵 防线穿窿
另一边厢，东岸排第9嘅奥兰多城愈踢愈沉，单计联赛，近15仗联赛惨得4胜11负，张成绩表见到都唔开胃，而且奥兰多城场场有失波，喺呢15场联赛入面狂失37粒，防线犹如不设防，今仗仲有几位主力包括史达杜夏、鲁杜域辛尼及史碧达受伤，舒恩奥尼尔又要坐波监，点同银河斗呀？不过银河主Ｗ得1.45倍，计落冇乜肉食，既然佢的咁攻得，再加上奥兰多城条防线仲衰过豆腐渣，不妨直取3.5球嘅大盘好过。
