周末好波连场，阿King又有心水过关贴士醒大家；周日晚上卫冕比甲嘅布鲁日将会主场面对奥伊本，布鲁日攻力喺联赛超晒班，尤其佢的过往对亲奥伊本都有大手笔交易，今次坐拥主场之利大胜话咁易，中位数3/3.5球入球大咪错过。
布鲁日上季以12分优势赢得常规赛冠军，最终再喺冠军附加赛脱颖而出，重夺失落一季嘅总冠军，全靠球队攻击点够多，上季常规赛包括头号射手艾度拿尔戴亚比在内，有3人入球数字都达双位数，最终为球队轰入68球，成为常规赛入波最多嘅球队。而且布鲁日每遇奥伊本都大打对攻战，近7次交手全开4球或以上，今次主场出击肯定希望大胜对手，取得联赛首胜，中位数3/3.5球入球大值博。
亨克急先锋吼半场胜
去到周一凌晨，比甲仲有洛格伦主场对亨克，亨克作客经常反客为主，近3次作客面对洛格伦，有2仗半场都抢得领先优势，今次半场客胜有2.5倍值得追捧。
最后再搭一场美职，踢法向来保守嘅西雅图海湾者，近4仗联赛全开2球或以下，今场面对作客表现飘忽嘅纽约城，唔会畀对手放肆进攻，中位数2.5球入球细捧得过。
