工廠仔：狼堡發惡噬布倫瑞克

  救命時刻星將騷哥利 兩年前仲係德甲亞軍嘅禾夫斯堡，今季沉淪只排聯賽第16位，淪落到要踢兩回合嘅升降班附加賽；今晚首回合「狼堡」先喺主場迎戰德乙3哥布倫瑞克，正所謂爛船都有三斤釘，生死關頭「狼堡」球星要騷哥利，經驗豐富值信賴，讓球盤禾堡讓一球照捧上盤！   （Now 670、Fox Sports Play、有線61及201台周五凌晨2時30分直播）   翻查數據過去7屆附加賽當中，有6屆都係德甲球隊成功護級，證明德乙球隊越級挑戰有一定難度，始終禾夫斯堡球員經驗豐富，好似路爾斯古斯達禾、古拿禾古及射手馬里奧高美斯等球星都身經百戰，關鍵時刻發揮更加值得信賴。唔好忘記，禾夫斯堡今季有37分，係98/99年球季後最高分嘅第16位球隊，依家搞到要踢附加賽真係有啲唔抵。   布軍跌Watt唔齊腳 布倫瑞克季初一段長時間排德乙榜首，不過下半季成績下滑，尾二輪聯賽作客0比6慘敗畀比勒費爾德更加係致命傷，最終以1分之差未能直接升班，佢哋今仗仲有後防奧科素艾耶同馬素哥利亞受傷缺陣，軍容不整下作客似乎難逃一劫。