唔好以為冇咗美女(美國女子足球隊)就真係冇美女，歐國盃一樣有靚女架。比賽已經踢到八強，第一個要睇嘅梗係英格蘭嘅Toni Duggan啦。呢位26歲嘅靚女前鋒，為英格蘭上陣超過50場，啱啱先由曼城轉會巴塞，早兩日仲對葡萄牙入波兼攞埋Player of match添！
另一個值得留意嘅係瑞典前鋒Kosovare Asllani，呢位cool爆女伊巴幫國家隊上陣94次，入咗25球，仲堅係同過真伊巴一隊架。瑞典喺八強嘅對手荷蘭都好勁，踢前鋒嘅Vivianne Miedema，只係得21歲已經上陣過50場，入咗39球，問你服未！
係咪突然好想睇女子歐國盃呢！
