标准列治真特献细
开咧战强强对碰
今日各大精彩赛事陆续上演，等我阿King度番条过关畀大家搵餐晏。周六凌晨比甲开咧战，标准列治将会喺主场迎战真特，真特攻力唔算突出，而且岩岩开季球员未上力，呢场作客强敌标准列治应该会睇定嚟踢，入球细值博。
（周六凌晨2时30分开赛）
新赛季比利时甲组联赛揭幕战，就有两大传统劲旅对碰，其中防线实力强劲嘅真特，不嬲靠稳阵防守搵食，上季常规赛只失过27球，系比甲防守表现最好嘅球队，不过真特近年开咧表现都比较慢热，近8次联赛首战有7次开2球或以下。加上球队近年面对标准列治都踢得比较谨慎，近6次交手5次开2球或以下，两队为免开衰个头，都肯定唔敢轻敌，呢场预料都会以守代攻，今场入球大细中位数2.5球，入球细唔好错过。
莫斯科打吡撑火车头
跟住再睇俄超盃上演嘅莫斯科打吡，莫斯科火车头近6次面对莫斯科中央陆军只系输过1场，呢场火车头小让平半，上盘咪走鸡。（周六凌晨2时30分开赛）最后再介绍多场日职，近期主场走势强劲嘅FC东京，近7仗联赛主场取6胜1和，面对下游分子长崎成功丸，主胜捧得过。
（有线602及662台周五晚6时直播）
