巴塞隆拿喺西甲头场作客伊巴，今场会相当难踢！伊巴经过季初一段小低潮之后，近4场联赛保持不败，绝对唔怕巴塞来袭，加上巴塞后防定海神针碧基停赛，更加唔怕同巴塞斗攻。「地上最强」有美斯翻生，苏亚雷斯亦交到货，联赛要力追皇马，即使下周要踢欧联，亦冇留力空间，双方近8次交手6次开4球或以上，中位数3.5球大值得再追。
（Now 632周六晚7时开赛）
由于西班牙最高法院重判9名加泰罗尼亚独立运动领袖，导致寻日爆发大罢工，影响航班升降，巴塞隆拿原本计划下昼练完波，先坐包机北上再转旅游巴搭40公里到达酒店休息，但依家担心机场有阻滞，万一航机迟到影响球员休息，导致演出失准就弊家伙，所以决定一早就全程搭旅游巴，两地相隔589公里，6个钟左右就到，虽然时间长啲，但起码有个预算。
碧基停赛防线唔稳阵
「地上最强」咁紧张，全因为呢3分对佢哋好重要，依家佢哋只係落后皇马2分，下周欧联只係作客捷克弱旅布拉格斯拉维亚，唔需要特别留力，美斯、苏亚雷斯同基士文都可以上阵，实行狂轰伊巴大门。不过，巴塞今仗有碧基、奥士文尼迪比利及朗奴阿拿祖坐波监，当中冇咗碧基影响最大，咁啱对手个前锋奥利兰拿当弗，最近3场都有士哥，係伊巴频频抢分嘅主要功臣，今场又有机会骚吓哥利，况且翻查纪录，两军近8次对碰，有6次总入球达4球以上，相信今场都係一场入球骚，3.5球大有买趁手。
