西甲周中开快车，周三凌晨有巴塞隆拿斗华拉度列。巴塞上周末对皇马嘅国家打吡改期，依家1分落后多踢1场嘅CF格兰纳达排第2，今场赢波就可重返榜首。巴塞季初虽然频频失分，不过单计主场联赛水准依然有保证，开季4场赢晒之馀，加埋入咗16球，更何况，季初养伤嘅美斯已全面复出，佢同苏亚雷斯、基沙文组成嘅「MSG三叉戟」开始发挥威力，上场联赛首次同场入波，带领球队作客大炒伊巴3比0，踢出王者霸气。
华拉度列上季排名16，踢至季尾先护级成功，今季阵容变动不大，整体实力不宜高估。佢哋今场除有射手辛度拉美利斯倦勤外，主力防中费迪伊美迪里奥亦因伤上阵成疑，阵容不整更难爆冷，巴塞让两球照捧让球主胜。
（Now 632周三凌晨4时15分直播）
