快车遇榜尾出力追数
今晚西甲快车继续展开，皇家马德里喺主场巴拿贝同雷加利斯上演同区打吡。上轮作客爆冷输畀马略卡嘅皇马，为免畀其他前列球队抛离，主场面对榜尾分子雷加利斯自然冇手软，抢3分之馀亦尽力争取更多入波，中位数3.5球嘅大盘值博。
（Now 632及611周四凌晨4时15分直播）
今季西甲多支劲旅发挥失常，皇马亦唔例外，上轮作客倒灶0比1不敌新升班嘅马略卡，演出欠缺说服力，吞下今季首败只可说句咎由自取。好彩「银河舰队」喺巴拿贝出击向来有保证，近4次主场获3胜1和，其中3场开4球或以上。皇马有此佳绩，全凭联赛斩获6球嘅宾施马同一众进攻好手嘅可靠表现，加上原定上周末举行嘅「国家打吡」被迫延期，皇马众将获充裕时间休息抖到足，有望发挥体能优势，入得几多得几多。
雷加利斯或放手一搏
暂时喺西甲排包尾嘅雷加利斯，上仗靠丹麦前锋巴夫韦迪一箭定江山，1比0击败马略卡，踢咗10轮终于「开斋」，总算打破一胜难求嘅心理关口，球员士气相信有所提升。可惜佢哋后防质素有限，今季4次作客场场有失波，就算单计近4次到访巴拿贝亦失咗10粒，但留意番当中3次能够攻破对手大门。今仗为求摆脱榜尾污名，可能放手一搏同皇马斗攻，希望杀出一条血路，中位数3.5球嘅大盘属好路之选。
