中央陆军半场死顶辛尼特
2020/06/18文:法达斯维
中央陆军中场尼高拉华锡
1/2
俄超明晚再上路
俄超听晚重开，周日凌晨仲爆发前列大战，5哥莫斯科中央陆军主场硬撼1哥辛尼特。今仗係复赛后双方首场正式赛事，状态点都争啲，中央陆军遇强唔敢乱攻，而且佢哋最锺意玩拉布，喺停摆前6场联赛5开半场和，值得追多铺。
（周日凌晨零时开赛）
辛尼特稳站榜首，依家领先2哥莫斯科火车头及3哥卡斯洛达9分咁多，早前仲同主帅施马克续约，老将安约哥夫亦宣布挂靴，迟啲会加入教练团添。不过「伊朗美斯」阿斯蒙备受阿仙奴、 拿玻里及AC米兰垂青，呢位前锋明显想走，只当辛尼特係踏脚石。
至于佢嘅好拍档、入咗13粒位列射手榜1哥嘅迪斯尤巴，同样畀英超热刺睇中，虽然会方因为斟介拿玻里锋将梅顿斯失败后，已经一口拒绝咗热刺，问题係呢位31岁老将却係「主强客弱」，今季联赛作客只係入得4球。睇番辛尼特今季10场作客联赛，只係得1场攻入超过2球，而且未曾喺上半场落后，可见客场出击都係稳中求胜。
迪沙高耶夫仲未好番
中央陆军依家只落后卡斯洛达5分，争取下届欧联外围赛资格未绝望，不过「新沙皇」迪沙高耶夫未好番，中场艾克美度夫仲提早收咧添，好在后衞舒希尼哥夫赶及伤愈，不过兵源仍然捉襟见肘，就算主场出击亦唔敢冒进。中央陆军喺停摆前6场联赛，虽然只得1胜3和2负，但有5场开半场和，睇嚟初段玩拉布顶得两嘴，半场和不妨再追。
