爱斯宾奴让波捧对家
2020/06/13文:法达斯维
踢早场9成赢唔出
今晚西甲早场又有武磊睇喇，佢效力嘅爱斯宾奴主场迎战艾拉维斯。不过爱奴踢亲早场都濑嘢，主场出击又渣，仲有正选门神迪亚高洛迪古斯坐波监，原本不稳嘅防线更牙烟，艾拉维斯可趁机抢分，受让必捧让球客胜。
（Now 632周六晚8时直播）
西甲赛会今季致力拓展中国市场，梗係要搵武磊做生招牌，为咗迁就中国球迷可以喺食紧饭嘅黄金时段睇波，唔使捱夜，经常安排爱奴踢早场，即係当地时间中午，有利西甲赛会吸金，不过呢个举动就累咗爱奴。
原来爱斯宾奴今季踢咗13场早场，只得1胜3和9负，一来早场太多，二来西班牙球员普遍唔习惯咁早踢波，反观佢哋喺其馀夜啲开波嘅14场比赛，就攞到14分，好明显因为商业决定而牺牲成绩，难怪依家排紧包尾，今仗继续踢早场绝对难以乐观。
艾拉维斯抢分赶上岸
除此之外，爱奴一向稳健嘅门神迪亚高洛迪古斯，因为喺停摆前对奥沙辛拿「两黄一红」被逐，延至今仗至坐波监，对于呢支已失46粒嘅包尾大幡嚟讲，打击更大。另一边厢，位列下游嘅艾拉维斯，领先尾3嘅马略卡7分，不过联赛仍有漫漫长路，仍需抢分求尽快上岸，前锋祖斯卢辛马田今仗停赛，相信会先做好防守。翻查纪录，爱奴主场战绩坚曳，今季13次联赛主场出击，赢得1场咁大把，边有本钱让波吖，转捧让球客胜。
