双蓝会威惯！曼城锋锐强势拆车
2020/06/25文:渡边年
车仔射手基奥特
1/4
英超今晚上演「双蓝会」，车路士主场迎战曼城。「蓝战士」复赛首仗惊险击败阿士东维拉，众将似乎仲未上力，相反「蓝月亮」接连大炒阿仙奴同般尼，展现强大火力，即使阿古路受伤缺阵都唔怕，今场捧客胜。
（Now 621及611周五凌晨3时15分直播）
虽然利物浦夺冠係预期之内嘅事，不过曼城主帅哥迪奥拿点都想Keep住个势，一方面要应付足总盃同欧联等大战，另一方面亦想喺嚟紧主场联赛砌低红军攞吓威，故今场鍊「车」应该唔会放软手脚。
曼城喺联赛重开首场即大胜阿仙奴3比0，众将贯彻哥迪奥拿严谨嘅传控打法，当失去控球权后即进行逼抢，令球队近乎立于不败之地，翌仗再大炒出名防守硬淨嘅般尼5蛋，奇云迪布尼演出生勐，激活成条中场线。阿古路虽然受伤肯定缺阵，但上场打起咗菲尔科顿，呢名20岁新星表现八面玲珑，比阿古路更优胜之处，係佢会为队友铺桥搭路，曼城变相多一瓣攻击板斧。
车仔遇强队脚软
车路士季初曾刮起青春风暴，但随住列强摸清佢哋底细后，一众新星开始走样，例如季初係威係势嘅箭头谭美阿巴谦，近15场联赛只入2球，车仔连上场惊险反胜维拉2比1在内，近10场联赛只获4胜，领队林柏特备受压力。除此之外，车仔面对强队例必脚软，今季6斗联赛前5球队，只得2和4负未赢过，包括首循环作客不敌曼城1比2，累积近5次英超「双蓝会」，曼城取得4胜1负，明显格食格，客胜不容错过。
