抖够迎大战狐狸唔赦车仔
2020/06/28文:麦马拿仁
狐狸门神卡斯柏舒米高（Getty Images图片）
1/2
英足盃8强豪门溷斗
今晚英格兰足总盃上演3场8强激战！李斯特城同车路士两支联赛前4劲旅正面交锋，睇头十足；曼城联赛失冠后匆匆上阵，巧遇纽卡素；阿仙奴上仗反弹，自然想趁锡菲联势颓乘胜追击，各支豪门为晋级冇得保留！
今晚最强戏码李斯特城主场迎战车路士。「狐狸」联赛表现回落，目前矛头指向足总盃，佢哋喺快车赛程比车路士多两日休息，体力有优势，连盃赛在内，「狐狸」近6次对车仔法定时间获1胜5和，主场仲有得受让，让球主胜抵玩。（周日晚11时开赛）
李斯特城及车路士同处联赛前4位置，同下面几队有啲距离，暂时可分心盃赛。「狐狸」复赛后两场联赛分别打和屈福特同白礼顿，畀人感觉勒住勒住咁，唔似停摆前踢得咁放，似乎係领队罗渣士嘅策略，希望球队慢慢入局，今场足总盃8强斗车仔先见真章。
李斯特城众将踢完两场复赛后，显然操起咗状态，尤其英格兰国脚芝维尔，呢位翼衞能攻擅守，盛传成为车仔收购目标，今场肯定会大演身价。上仗对白礼顿勇救12码嘅门将卡斯柏舒米高，稳定演出予人信心，盃赛场合拥有稳健门将，对一队波非常重要。
林柏特或作轮换
车路士领队林柏特喺英足盃会派部分副选上阵，如柏度洛迪古斯、葛特苏马及韦利卡巴尼路等，虽然目前已经去到8强阶段，但由于佢哋上周中先同曼城激战完，比李斯特城少2日休息，今场或要作出更多轮换。双方近6次对赛，车仔法定时间内从未赢过，只得5和1负，唔好因为赢到曼城就将佢哋睇得太高，今场作客让波掂唔过，宁捧「狐狸」让球主胜。
