基达菲拉布专家吼半场和
2020/06/29文:法达斯维
基达菲前锋谢美马达
西甲今晚上演独脚戏，基达菲主场火併皇家苏斯达。双方原本係争前4嘅劲敌，点知复赛后齐齐跌Watt，逐渐被甩开，加上人脚唔齐，相信都会稳阵行先，基达菲喺自己地头最叻玩拉布，经常开半场和，值得再追。
（Now 632周二凌晨4时直播）
皇家苏斯达愈踢愈沉
双方原本气势唔错，一度係争前4嘅热门分子，估唔到联赛突然停摆打窒咗道气，同样喺重开后4战未赢过，不过皇苏仲衰，当中输咗3场，包括不敌艾拉维斯同切尔达，停摆前好弗嘅马田奥迪加特、阿历山大伊沙克等冇晒料到，令人失望。除此之外，中场核心伊拿拉文迪喺前仗输畀皇马，赛后喺球员通道侮辱球证，被罚停赛2场，要坐埋今仗先「放监」，同时后衞迪亚高洛兰迪亦要停赛，真係屋漏偏逢连夜雨。
基达菲亦唔好得几多，复赛后4仗只得3和1负，入得3粒咁大把，攻力坚疲弱，除咗伊迪保及艾历卡巴高未好番之外，达高南亦要坐波监，人脚不整，加上佢哋向来重视防守，依家状态麻麻之下，更会稳阵行先。呢班波擅于玩拉布，近6次联赛主场出击，竟有5次开半场和，当中有4次半场波胆开0比0，可见佢哋初段零舍保守，遇上同样死晒火嘅皇苏，半场和不妨追多铺。
