李城冇火吼半和
2020/07/01
卡维特利云
爱华顿射手
1/2
复赛后状态未如理想嘅「狐狸」李斯特城，今晚英超将会作客「拖肥糖」爱华顿。李城前锋占美华迪脚风欠顺，令球队进攻力大减，对住由安察洛堤执教后防守力大大提升嘅爱华顿，战况随时胶着，半场和值博。
（Now 622周四凌晨1时直播）
爱华顿守强过攻
李斯特城近2场联赛都打和失分，连同复赛前5场只得1胜，近7场英超成绩係1胜4和2负，现时虽然仲顶得住排喺联赛榜第3位，但随后嘅车路士、狼队及曼联等已经慢慢追上嚟。李城现时最大嘅问题係射手榜暂时领先嘅占美华迪，踏入2020年后表现走样，今年只曾在1场联赛入过波，冇咗「华Dee」入波，「狐狸」即时恶唔出样，稳守突击打法变成只守难攻。
虽然李城火力减弱，然而由卡斯柏舒米高、苏恩古等领导嘅防线仍然可靠，近6场联赛只失3球，对手要攻破佢哋都唔容易，因此李城近7场联赛有6场开出半场和。主队爱华顿复赛后2场1胜1和，而且未失1球，同样属于守强过攻，预料双方今场都会先稳守，半场和好路。
