韦斯咸细抗车仔
2020/07/01
麦克卢保
韦斯咸中场
1/4
．摆铁桶阵抢分．
今晚英超「伦敦打吡」，力求护级嘅韦斯咸主场斗车路士。贵为今季「伦敦打吡王」，车仔照计对住边支同市球队都唔怕，但偏偏对住韦斯咸就老鼠拉龟，近5次交手全部总入球开2球或以下，而且车仔只获1胜2和2负，今场作客点都有啲戒心，唔会乱嚟，客胜有风险，宁捧中位数2.5球入球细。
（Now 621周四凌晨3时15分直播）
车路士复赛后连场大战，虽然先后于联赛击败维拉及曼城，再喺英足盃淘汰李斯特城，但值得留意嘅係，佢哋全部仅以1球取胜，体力上已有不及，踢起嚟亦就住就住，始终复赛之后赛事频频，球队上下要懂得留放。
近5次交手全开细
车仔乃今季「伦敦打吡王」，7战同市球队获5胜1和1负，入12球失6球，相反韦斯咸今季「伦敦打吡」战绩，只得2胜6负，得9球失14球，不过2场胜仗当中，偏偏就包括去年11月尾作客史丹福桥，以1比0击败车仔，吸取过教训，相信车路士今仗不敢过分冒进，肯定会步步为营。
韦斯咸联赛重开后连输2场，仍然喺护级漩涡中挣扎，面对同市强队必定大踢稳守突击战术，幸好对住车仔往绩唔输蚀，近5次交手有3次可以保持不失，呢5场总入球均少于3球，相信韦斯咸会照办煮碗，摆铁桶阵迎接车仔，捧中位数2.5球入球细啱数。
