曼联争曼联争圣大爆发
2020/07/13
波基斯费南迪斯
曼联天王
1/2
手握前4主导权
周二凌晨英超独脚戏，曼联主场迎战修咸顿。「红魔鬼」联赛4连胜弗到漏，加上「车仔」今轮输波，曼联只要赢波就上番前4，战意必坚；「圣人」近期表现唔曳，除主场赢过曼城，频有士哥嘅丹尼艾格斯亦有力问鼎神射手，冇包袱下有本钱同「红魔鬼」斗攻，热捧中位数2.5球大盘！（Now 621周二凌晨3时直播）
曼联毫无疑问係英超现时最弗球队，复赛后5战4胜1和，除首仗打和热刺1比1，之后分别击败锡菲联、白礼顿、般尼茅夫及阿士东维拉，更係英超史上首支连续4场淨胜对手3球或以上嘅球队。由于车路士周日凌晨输畀锡菲联，曼联现时少踢一场又落后「车仔」2分，今晚赢到就可赶过「车仔」进佔前4，主动权喺自己手，现阶段当然唔想失分，断送大好形势。
曼联自保罗普巴伤愈复出后，将波基斯费南迪斯推前担任进攻中场，「双核」分工清晰，全面释放进攻火力，传射俱佳嘅「波费」唔单只「冧庄」连夺两月英超最佳球员，更成功激活前线三叉戟拉舒福特、安东尼马迪尔及格连活特，不过门将迪基亚及中坚哈利马古利喺对热刺及般尼茅夫都先后出丑，搞到球队先落后，后防并唔稳阵。
修咸顿作客照攻
修咸顿联赛重开后只係输过畀阿仙奴，主场面对2哥曼城更全取3分，成功提早上岸，佢哋今季作客成绩好过主场，44分入面有27分喺客场取得，而且17场作客联赛亦只得2场冇入波，有本钱争取士哥。射手丹尼艾格斯近5场劲轰4粒，仲有机会争神射手，一定搏尽。曼联近4场联赛入14球，其中9球喺上半场射入，除热捧2.5球大盘，1.5球半场大亦可兼投。
