阿仙奴抢盃名扬天下
2020/08/01文:法达斯维
阿仙奴射手 奥巴美扬
1/4
争欧霸资格最后机会
今晚喺温布莱球场举行嘅英足盃决赛，爆发伦敦打吡，由阿仙奴硬撼车路士。双方近4年来第3次于盃赛决赛碰头，虽然阿仙奴今季联赛排名远逊车仔，但却係英足盃之王，近6次杀入决赛均捧盃而回，今仗亦係争取下届欧霸盃入场券嘅最后机会，战意更胜一筹，受让平半必捧下盘。
（无綫85台周日凌晨零时30分直播）
阿仙奴今季英超仅列第8位，係25年来最低排名。主帅阿迪达巧妇难为无米之炊，惟有先改善防守，尤其係变阵343阵式，刻意缩后打反击，减低大衞雷斯「自爆」机会，更可让队长奥巴美扬有更多空间打突击，令对手谷得太前从而顾此失彼，早前先赢利物浦，再喺英足盃4强淘汰曼城，证明呢招诱敌之计，对强队特别奏效。
车路士青春班经验输蚀
车仔季初受制「禁买令」，但能够将士用命获得联赛殿军，取得欧联入场券，主帅林柏特可谓超额完成。当然车仔都想捧盃赠兴，不过呢支青春班表现欠稳，联赛连盃赛在内，近8场5胜3负共失14球，经验不足。同时球队唔打算同韦利安续长约，亦有传佢想留喺伦敦而打算转投阿仙奴，但呢位老将复赛后入4球兼有1次助攻，碍于佢有可能投敌，林伯都考虑决赛唔用佢，无疑自断一臂。
由于阿仙奴今季联赛曳爆，若想取得下届欧霸盃参赛资格，必须勇夺英足盃。翻查纪录，阿仙奴之前20次进身英足盃决赛，当中13次夺冠，係英足盃史上捧盃最多球队，单计近6次杀入决赛，法定时间录得4胜2和未输过，全部捧盃而回，包括2017年决赛赢车仔2比1，坚旺。加上「兵工厂」誓要报番上届欧霸盃决赛输畀车仔之仇，有得受让平半咁笋必拣下盘，亦可博埋佢哋「冠军」。
