狼队主场煞食威比你睇
2020/08/06文:工厂仔
狼队箭头 迪亚高祖达（Getty Images图片）
今晚16强次回合大战，狼队主场斗奥林比亚高斯。双方首回合踢成1比1，狼队手执1个作客入球形势有利，加上今届欧霸7次主场出击，取得6胜1负，挟地利可望赢波晋级，捧主胜。
（myTV Gold 303、Now 643、有线656及616周五凌晨3时直播）
近3仗欧霸主场全胜
狼队今季喺英超一直有平稳演出，可惜因作客表现欠佳，最终仅获得第7名。不过佢哋主场水准仍然有保证，近7次主场出击获5胜1和1负，亦曾经赢过曼城及打和曼联，唔係撞彩。狼队今届欧霸盃同样靠主场发围，近3场欧霸盃主场全胜，劲轰9球兼零失球，包括同样以4比0大胜爱斯宾奴及比锡达斯，攻守兼备。
希腊1哥奥林比亚高斯首回合不但未能把握地利赢波，更有中坚鲁宾施美度被逐，呢位大将今仗停赛更唔乐观，值得留意嘅係，佢哋过去13次欧洲赛淘汰赛首回合主场和波，得1次次回合作客赢到波，今场远征英格兰注定凶多吉少。
