光辉赢斗心「胜利」在望
2020/08/08文:渡边年
珀斯光辉前锋 科拿路利
周六续演澳职独脚戏，珀斯光辉对墨尔本胜利。胜利累积5连败，加上肯定冇份踢季后赛，冇乜斗志，相反光辉为保季后赛席位肯定搏尽，一于捧主胜。
（myTV Gold 301、Now 638、有线654及614周六下午3时直播）
胜利肯定无缘季后赛
墨尔本胜利今季多次换教练，依家嘅比贝拿已经係球队今季第3位主帅，季初开始执教嘅德国籍教头马高告斯，上任领军13场就畀人炒鱿，原本嘅副手沙拿祖亚，今年1月22日转做看守教练，不过做到5月底就自己转饭镬，走去教比利时嘅圣图尔登，比贝拿就喺疫情期间上任。比贝拿喺澳职复赛后先正式带队，但胜利成绩显然未有改善，联赛累积5连败，走势持续向下，而且肯定冇份踢季后赛，战意成疑。
相反，光辉上场击败西悉尼流浪者，复赛后取得2胜2负，同复赛前相比，明显从谷底反弹，而且暂时排联赛第5嘅光辉，仲要力争季后赛席位，斗心远胜毫无目标嘅胜利，热捧主胜。
