塞内加尔哥伦比亚大格斗
世盃分组赛尾轮重头戏，今晚H组塞内加尔会硬撼哥伦比亚。塞内加尔呢场只要和波，都可以稳夺出线资格，不过球队后防甩漏问题严重，面对赢波即肯定晋级，兼有多位进攻好手压阵嘅哥伦比亚，随时失多几球，中位数2.5球入球大谂得过。
（Now 616及618周四晚10时直播）
首战曾经以2比1击败波兰嘅塞内加尔，系今届世盃第一支赢波嘅非洲球队，嚟到最后一轮，包括突尼西亚、摩洛哥、埃及同尼日利亚都已经先后出局，塞内加尔变相成为非洲代表嘅最后希望。
「占士仔」法卡奥火力猛
不过由名宿艾路施斯领军嘅塞内加尔，虽然至今未输过波，不过防守表现真系唔算标青，上仗面对日本，球队两次取得领先优势，都畀对手逼和，可见防线组织缺乏纪律性。可幸前场有攻击核心沙迪奥文尼，带住几位状态弗爆嘅前场小将，塞内加尔靠个人能力搵到食，呢场随时以攻代守。
哥伦比亚第一战面对日本，早早就打少一人，不过都可以靠出色个人技术破到蛋，虽然最后惨吞败仗，不过可以见到攻力有番咁上下，赛果亦唔可以完全反映到球队真正实力。上仗佢的吸取教训，完美展示强大火力，尤其「占士仔」占士洛迪古斯同祖安昆特路，两位状态上乘嘅进攻中场，频频为哥伦比亚前锋喂靓波，配合突破好手古达度，以及把握力同经验都充足嘅法卡奥，哥伦比亚前场绝对系人才济济，呢场为晋级淘汰赛要争胜，随时一开波就抢攻。况且哥伦比亚不嬲都踢开进攻足球，佢的近7仗世盃决赛周赛事，6次开3球或以上，呢场随时同塞内加尔打对攻，中位数2.5球入球大咪走鸡。
