FC洛杉矶客战大骚放送
迪奥文迪5场轰7球
周三早上美职独脚戏，侯斯顿戴拿模主场硬撼FC洛杉矶。美职新军FC洛杉矶大打攻势足球，绝对系联赛又一支踢法令人兴奋嘅球队，尤其佢的作客不嬲锺意同对手打对攻，呢场面对攻力不俗嘅侯斯顿戴拿模，中位数3.5球入球大有分头值博。
（无綫myTV SUPER 302台周三早上9时直播）
侯斯顿戴拿模必斗攻
FC洛杉矶由美国球坛名宿巴特利领军，今季强势空降美职，除左有全新球场落成，吸引唔少球迷嚟现场睇波之外，仲揾嚟多位实力猛将坐镇，早前佢的就由英冠侯城，签入前锋迪奥文迪，呢位挪威攻击手不负众望，近5场为球队上阵狂轰7球，系佢的入波嘅保证。加上FC洛杉矶近4仗作客，全开3球或以上，可见呢班波作客踢法照攻唔会缩。
FC洛杉矶今场作客面对火力不俗嘅侯斯顿戴拿模，两支西岸季后赛竞争对手，肯定会以砌低对手为目标，FC洛杉矶近期豪取5连胜弗爆，戴拿模最近连败急于反弹，两军斗攻格有入球骚睇。
