英德对决以稳为先
欧联附加赛今晚进行首回合赛事，英超劲旅利物浦将作客德甲嘅贺芬咸，两队上季打生打死先拎到欧联入场券，肯定唔想未入分组赛就Bye Bye。利物浦牌面较高，可惜阵中最有创造力嘅两位球星都缺阵，斋玩速度未必斗得赢机动性强嘅德国兵，今仗作客或以稳为先，等次回合返主场决胜，中位数2.5球嘅入球细有2.05倍值博。
（有线61及201台周三凌晨2时45分直播）
近4届欧联附加赛，德甲同英超代表都可以顺利晋级，不过今届抽籤偏偏将2大劲旅撞埋一齐，恶战难免。论质素利物浦当然高过贺芬咸，不过佢的个灵魂人物菲腊比古天奴扭计转会，据报同领队高普面临决裂，球会亦宣称呢位巴西国脚背伤唔踢得，加上英格兰国脚拉尔拉拿仍然养伤，前场创造力大受削弱。
近8次欧战作客全细盘
「红军」喺英超开锣战畀屈福特逼和3比3，后防问题再次暴露，今仗关乎到可唔可以踢收入丰厚嘅欧联分组赛，高普肯定会用最大力量改善防守，务求赢唔到都唔输，留番次回合喺晏菲路争出线，睇番「红军」近8仗欧洲赛作客赛事，全部总入球都系2球或以下，就知佢的作客保守。
贺芬咸上季德甲主场未输过，17仗只系失过14球，佢的知道利物浦依家只靠沙迪奥文尼同穆罕默德沙拿「屈速度」，肯定唔会轻率进攻留空位畀对手，今仗好大机会同利物浦拉锯，开入球细机会高唱入云。
免责声明：登载此文出于传递更多信息之目的，并不意味着赞同其观点或证实其描述
