西超盃次回合赛事，皇家马德里主场再斗巴塞隆拿。巴塞首回合主场输1比3，今仗一定趁住C朗拿度停赛大举进攻，连同首回合赛事，双方近3次交手合共炮製14球，3仗总入球都达到4球或以上，今仗有望再演入球骚，首选中位数3.5球大盘。
（周四清晨5时开赛）
巴塞隆拿虽然有尼马离队令「MSN」解体，但系美斯同苏亚雷斯一样够照，2人对上4次作客巴拿贝球场合共轰入7球，带领巴塞拎到3胜1负佳绩，包括上季联赛次循环喺许胜不许和嘅情况下反胜3比2，保住当时仅馀嘅夺标机会，故此绝对唔可以轻视巴塞破釜沉舟嘅反击威力。
C朗停赛 皇马仍有火
皇马今仗虽有王牌C朗拿度停赛，但中场莫迪历可以复出，加上首回合入球功臣之一嘅马高阿辛斯奥、艾斯高同卢卡斯华斯基斯都极具质素，完全无损进攻火力。唔好忘记，两军今夏喺国冠盃交过手，当时皇马亦喺C朗缺阵下，同巴塞合演5个入球大战，C朗停赛对皇马进攻影响未必好似想像中咁大。今次已经系近半个月第3次「国家打吡」，过去3次交手全开4球或以上、合共攻入14球，如今彼此状态全面提升，斗攻之下有望再演入球骚，捧3.5球嘅入球大最明智。
免责声明：登载此文出于传递更多信息之目的，并不意味着赞同其观点或证实其描述
