英超次轮今晚有连场恶战，其中开咧战临尾香失波，由赢变和嘅利物浦，喺主场迎战首战惨败畀新升班哈特斯菲尔德嘅水晶宫。「红军」周中喺欧联外围赛赢波，表面睇士气大增，兼有主场之利，今战似乎相当抵玩，但水晶宫近3季嚟到晏菲路次次都攞足3分走人，唔到你唔信邪，「红军」让波，今场博3.2倍让球客胜好过。
（now 621及LeSports HK应用程式周六晚10时直播）
利物浦唔齐脚让波择使
利物浦首周联赛对住屈福特打和3比3，虽然话前线进攻发挥令人满意，但防线失左3球就认真抵闹。冇错，佢的周中出战欧联作客以2比1砌低贺芬咸，算系一洗颓风，不过能够赢波其实都要多得对手早段射失12码，否则红军先落后的话，场波都会好难打。再讲，上场欧联红军打起左个超新星中场阿历山大阿诺特，不过19岁仔能唔能够场场Keep住踢好波，真系难讲！至于话中场重心菲腊比古天奴虽然背伤已愈，但因为扭计转会，主帅高普今场用唔用佢都未知，唔能够「夫添」出战，点信得过先？
水晶宫呢边，首战被一致睇好，点知喺主场吞左哈特斯菲尔德3蛋，仲要有翼锋韦费特沙夏伤埋，今场肯定缺阵。好彩嘅系水晶宫今场会有法国中场卡比耶复出喺中场做策划，前线仲有比利时国脚宾迪基挂帅，实力唔会差得几多。加上经过首场大败后，水晶宫球员压力大减，今场作客波随时会反弹有好发挥，受让真系抵玩萝！
免责声明：登载此文出于传递更多信息之目的，并不意味着赞同其观点或证实其描述
