90后孭重飞捷克立大功

今晚赛事唔多，但阿King一样搵到好嘢，心水推介场次係热身赛捷克主场对立陶宛。捷克虽然处于新旧交替时期，好彩以柏德列舒希克为首嘅新星崭露头角，今仗主场出战实力平平嘅立陶宛，係时候骚吓哥利，证明自己有力接班，1.87倍嘅让球主胜可作过关重心。 （周四凌晨1时开赛） 随住施治等老将退出国家队，捷克正处于新旧交替嘅尴尬时期，现时中前场以「90后」嘅新星为主，其中柏德列舒希克最为突出，呢位森多利亚前锋今季喺意甲表现醒神，单计联赛已有7个「士哥」，与同样于意甲搵食嘅卡雷斯及积及赞图，成为捷克新一代接班人，再配合中场核心达列达，实力不容小觑。世界排名第107位嘅立陶宛，只係以「土炮」为主，实力同捷克差成条街，加上近6次正面交锋，捷克录得5胜1负，明显格食格喇，柏德列舒希克等新星为博上位，遇弱仲唔搏尽咩，一于捧让球主胜。 苏格兰残阵捱细界 另一场「拍跳」係苏格兰主场对加拿大，苏军今次有格兰汉尼及占士摩利臣等受伤，前者已经退队，由于嚟紧世盃外要迎战斯洛文尼亚，预计主帅史特根今仗会收起占士摩利臣，费事喺呢类无关痛痒嘅比赛加重伤势；加拿大有自知之明，作客环境必玩死守，唔慌多波入，细盘有计。（周四凌晨3时45分开赛）最后係听朝巴省联彭美拉斯主场对米拉索，虽然彭军有杜度等主力被国家队徵召，但米拉索近4仗输咗3仗，造访彭美拉斯难逃厄运，直取让球主胜。 （周四早上7时30分开赛，马会网上文字直播）