科索沃扩军破冰 大盘过关稳

今届世盃外欧洲区其中一个话题，係「新丁」科索沃会唔会有令人惊喜嘅表现，佢哋目前喺I组排包尾，不过呢支新埋班球队一直进行扩军，周六凌晨斗冰岛就有3大前锋「加盟」，预计会同求胜心切嘅冰岛驳火，1.78倍嘅「入球大」抵玩！ （周六凌晨3时45分开赛） 科索沃喺4场分组赛只得1分，而且仲失咗12球波咁多，不过呢队「新丁」仍然係组军当中，今仗就成功搵到3个前锋加入，当中最瞩目係澳职传奇射手贝利沙，呢位效力墨尔本胜利嘅前锋由阿尔巴尼亚「来投」，而今场波就係喺阿尔巴尼亚嘅斯库台上演，加上效力史浩克04嘅艾夫迪查积以及锡周三射手纽奥都加入，球队火力即刻大增。冰岛上轮输畀克罗地亚后跌落小组第3，对住包尾科索沃肯定会全力抢晒3分，作客势同科索沃斗攻。 串墨西哥细盘美国胜 听朝世盃外仲有几场中北美洲区赛事，两战两败嘅美国如果唔想出局，主场斗洪都拉斯係不容有失，美国近5次主场对洪都拉斯有4胜1和佳绩，今仗信美国反弹捧主W；至于榜首大战墨西哥主场对哥斯达黎加，主队有杜斯山度士、古亚达度同捷西斯哥朗拿等星级主力受伤缺阵，强敌当前难免踢稳阵波，入球细要捧。