小斗牛超班图利

西甲三雄生牯仔有料到 大国脚踢完，今晚轮到小国脚孭飞！意大利U21主场对西班牙U21踢热身赛，两队都有份进身6月举行嘅U21欧国盃决赛周，但论今次人脚实力，西班牙U21胜一筹，最犀利係拥有由皇马、巴塞及马体会新星组成嘅「黄金中场」，加上近3次斗意军U21，获得全胜，1.8倍客胜值得追捧。 （周二凌晨3时开赛） 西班牙U21喺同龄球队之中超晒班，过去3届U21欧国盃，两次捧盃，包括2013年决赛以4比2击败意大利U21。「斗牛国」青训出色，高质新血源源不绝，今次大军名单上有多位西甲勐将，包括皇马中场马高阿辛斯奥、巴塞中场丹尼斯苏亚雷斯、马体会中场沙奥尼古斯等，都具有「大国脚」嘅级数，阵容完整，等閒之辈好难抵挡得住呢班「小斗牛」强攻。 意大利U21有多位适龄主力被抽调上大国脚，领队迪比亚治奥只能靠一班嚟自意甲弱队嘅球员支撑大局，最不幸係蓝衫军一直被西班牙剋死，已经连输3次畀对手，今次人脚不整，更加难以打破宿命。 「幼狮兵团」失射手献「细」 另一场热身赛，丹麦U21主场对英格兰U21，「幼狮兵团」同意大利有类似问题，事关拉舒福特等主力都去咗踢大国脚，上仗即以0比1不敌德国U21，加上英军领队保夫莱特刚坐正冇几耐，仲要时间摸索，吼细啱数。阿甲沙士菲近6次主场对飓风队，赢咗5次，尾关可再追主W。