洛辛堡抢盃大作战

中坚宾空降强攻白兰恩 新一季挪威超级联赛喺嚟紧周末开锣，今晚先嚟挪威超级盃做「头盘」，由上季联赛「阿二」白兰恩主场硬撼上季双冠王洛辛堡。洛辛堡新季签入「中坚宾」宾特拿，噱头十足，而且两军每次交锋经常大手交易，今仗大家都想攞头彩唔会脚软，一于捧入球大。 （周四凌晨1时开赛） 挪超盃係联赛开咧前嘅序幕，一向由上季联赛冠军出战上季盃赛盟主，不过传统班霸洛辛堡擸晒联赛及挪盃冠军，因此今届参赛资格改由上季联赛亚军白兰恩顶上。 挪超白兰恩从阿里辛特签入前锋彼德拿臣，攻力可望提升；不过洛辛堡仲坚，早前出手罗致「麻烦友」宾特拿，虽然呢位前英超阿仙奴箭头近年效力过意甲祖云达斯、德甲禾夫斯堡、诺定咸森林结果冇间踢得掂，但来到挪超呢类水平次一级嘅联赛，宾特拿仍属大超班，而且「中坚宾」每次加盟新球会初头都有货交，有助增强洛辛堡嘅火力。 双方交手例演入球骚 由于洛辛堡与白兰恩皆属挪超劲旅，大家都视对方为争标假想敌，喺呢场联赛开咧前哨战肯定想捧盃攞头彩，仲可以顺便一挫敌方锐气，预计两军都会搏尽争胜过捧盃瘾。睇番白兰恩同洛辛堡近12次正面交锋，有11次总入球至少有3粒，当中有7次更达4球或以上，今仗随时又合演入球骚，捧大盘（2.5/3球）係最佳选择。