摩纳哥圣券在握

法甲两大劲旅摩纳哥同巴黎圣日耳门周日凌晨法联盃决赛交锋，两队实力不相伯仲，不过摩纳哥杀入欧联8强后愈战愈勇，对住巴黎圣日耳门未惊过，摩纳哥受让咁笋梗係要捧让主[+1]啦！ （TVB 303周日凌晨3时直播） 摩纳哥目前喺法甲骑住巴黎圣日耳门做「一哥」，而且喺欧联踢走曼城杀入8强，阵中新星状态同士气都去到巅峰，当中包括近5仗入7球嘅「新亨利」基利安洛天。何况摩纳哥近3次对住巴黎圣日耳门有2胜1和不败佳绩，自然更加值得睇好。 圣日耳门今季由艾美利执教，已经冇咗「超班」嘅感觉。而且几位南美兵迪马利亚等周中先踢完世盃外，再山长水远返法国备战，体力或受影响，要赢摩纳哥真係唔容易。