撑皇马半场大有数维

防线漏水 早段频失波 西甲争标形势紧凑，榜首皇家马德里同第2嘅巴塞隆拿今晚分途出击。皇马目前领先巴塞2分兼少踢1场，掌握冠军争夺主导权，不过「银河舰队」喺争冠压力下近期演出不稳，多次出现早段失波令球队陷于苦战，即使倚靠强大火力拎到最后胜利，过程亦绝不轻鬆，今晚主场迎战近况唔错嘅艾拉维斯大胜机会唔高，博中位数1.5球嘅半场大更划算。 （now 632周日晚10时15分直播） 皇马有C朗拿度、宾施马同加里夫巴利等攻击好手压阵，入波从来都唔係问题，可惜球队后防表现极度不稳，过去10场比赛只係得1仗可能保持清白之身，养伤多时嘅法国中坚华拉尼虽已复操，但未够状态正选披甲，今仗仲有巴西防守中场卡斯米路停赛，防线更加令人担心。 皇马近期比赛早段极唔集中，近4仗主场有3仗喺上半场已经失球，半场总入球皆达2球，虽然喺呢3场波皇马最终拎到2胜1和成绩，显示佢哋有足够火力弥补防线不足，但后面持续「漏水」，皇马要大炒有一定难度，「银河舰队」近8仗联赛只係得1次赢3球或以上，今仗让主[-2]太辣，玩半场大更抵。 艾拉维斯惯攞头威 艾拉维斯近况其实唔差，对上9仗有6胜1和2负，近6仗作客更有4胜1和1负，成队波目前信心十足，今仗必定会趁皇马防线不稳主动进击，如果先拎到入波将令皇马陷于苦战。唔好忘记，艾拉维斯近2仗联赛都係上半场领先下赢波，今仗好大机会继续争取「攞头威」，上半场势向皇马抢攻，半场大值博。 巴塞炒得起格兰纳达 皇马踢完后，紧接周一凌晨轮到巴塞隆拿作客排尾2嘅弱旅CF格兰纳达，双方实力有一大段距离，近5次交锋巴塞隆拿全胜之馀，「地上最强」今季联赛作客下游球队亦从无留手，每仗至少淨胜3球。如今西甲进入争标大直路，巴塞势必全力强攻抢分，推介巴塞隆拿[-2]嘅让球客胜。 （now 632周一凌晨2时45分直播）